Odisha Janamata : ସରକାରୀ ସାହାଯ୍ୟ ଅପେକ୍ଷା ରେ 27ବର୍ଷର ଅସୁସ୍ଥ ଜୀବନ ବିତାଉଥିବା ଯୋଗେନ୍ଦ୍ର |

ସରକାରୀ ସାହାଯ୍ୟ ଅପେକ୍ଷା ରେ 27ବର୍ଷର ଅସୁସ୍ଥ ଜୀବନ ବିତାଉଥିବା ଯୋଗେନ୍ଦ୍ର |

25-Dec-2024

ରୋଜଗାର କରି ପରିବାର ର ସାହା ହେବା ବୟସରେ ପରିବାର ର ବୋଝ ପାଲଟିଛନ୍ତି ଯୋଗେନ୍ଦ୍ର।

ଓଡିଶା ଜନମତ ବ୍ୟୁରୋ ,

ପୋଲସରା ୨୫/୧୨/୨୦୨୪
ଯେଉଁ ବୟସରେ ରୋଜଗାର କରି ପରିବାର ର ସାହାରା ହେବା କଥା ସେହି ବୟସ ରେ ପରିବାର ପାଇଁ ବୋଝ ପାଲଟି ଛନ୍ତି ଯୁବକ। ଖୁଆଇଲେ ଖାଉଛି। ଶୁଆଇଦେଲେ ଶୋଉଛନ୍ତି। ଚାଲିବା ବୁଲିବା ତାଙ୍କ ପାଇଁ ସତେଯେମିତି ସ୍ବପ୍ନ ହୋଇଯାଇଛି। ଏହି କଷ୍ଟ ଦିନେ କି ଦୁଇଦିନ ର ନୁହେଁ। ପାଞ୍ଚ ବର୍ଷ ବୟସରୁ ଯନ୍ତ୍ରଣା ଭରା ଜୀବନ କାଟୁଛନ୍ତି ଗଞ୍ଜାମ ଜିଲ୍ଲା ପୋଲସରା ବ୍ଲକ ଅର୍ନ୍ତଗତ ନିମିନା ପଞ୍ଚାୟତ ର ସାନବରଗାଁ ମହାରଣା ସାହିର ୨୭ ବର୍ଷ ବୟସ୍କ ଯୋଗେନ୍ଦ୍ର ସାହୁ। ଯୋଗେନ୍ଦ୍ର ଜନ୍ମରୁ ସୁସ୍ଥ ଥିଲେ। ପାଞ୍ଚ ବର୍ଷ ପର୍ଯ୍ୟନ୍ତ ଚାଲବୁଲ କରୁ ଥିଲେ। କଥାବାର୍ତ୍ତା କହି ପାରୁଥିଲେ। ହେଲେ ପାଞ୍ଚ ବର୍ଷ ବୟସରେ ଯୋଗେନ୍ଦ୍ର ଙ୍କ ଜୀବନରେ ଢାଙ୍କି ଗଲା କଳାବାଦଲ । ପ୍ରଥମେ ଚାଲିବା ରେ ସମସ୍ୟା ଦେଖାଦେଲା । ସେହି ସମୟରେ ଯୋଗେନ୍ଦ୍ର ଙ୍କ ବାପା ସୁରଥ ରେ କାମ କରୁଥିବା କାରଣରୁ ପୁଅକୁ ସେଠିକାର ମେଡ଼ିକାଲରେ ଚିକିତ୍ସା କରାଇଥିଲେ। ହେଲେ ଚିକିତ୍ସା ପରେ ଯୋଗେନ୍ଦ୍ର ସୁସ୍ଥ ହେବା ପରିବର୍ତ୍ତେ ସବୁଦିନ ପାଇଁ ଅକର୍ମଣ୍ୟ ହୋଇ ଯାଇଥିଲେ। ଗୋଡ ଅଚଳ ହେବା ସହିତ ବାକଶକ୍ତି ମଧ୍ୟ ହରାଇଥିଲେ ଯୋଗେନ୍ଦ୍ର । ପରିବାର ର ଆର୍ଥିକ ସ୍ଥିତି ଭଲ ନଥିବା କାରଣ ରୁ ଯୋଗେନ୍ଦ୍ର ଙ୍କ ବାପା ତାଙ୍କ ର ଆଉ ଉଚ୍ଚତର ଚିକିତ୍ସା କରି ପାରିଲେ ନାହିଁ। ଏହା ମଧ୍ୟରେ ଯୋଗେନ୍ଦ୍ର ଙ୍କ ବାପା ଙ୍କ ଦେହାନ୍ତ ହୋଇ ସାରିଥିବା ବେଳେ ମା ପରଘରେ ମୁଲ ଲାଗି ପରିବାର ଚଳାଉଛନ୍ତି। ଏଣ ପୁଅର ଚିକିତ୍ସା ଲାଗି ଆର୍ଥର ଅଭାବ ଯୋଗୁଁ ଘରେ ପଡି ରହୁଛି ଭେଣ୍ଡିଆ ପୁଅ ଯୋଗେନ୍ଦ୍ର। ଯୋଗେନ୍ଦ୍ର ଙ୍କ ଦୁଃଖ ଯନ୍ତ୍ରଣା ଦେଖି ସରକାର କିମ୍ବା କୈଣସି ବଦାନ୍ୟ ବ୍ୟକ୍ତି ସହଯୋଗ କରିବାକୁ ହାତ ବଢ଼ାଇଥିଲେ ହୁଏତଯୋଗେନ୍ଦ୍ର ପୁନର୍ବାର ସମ୍ମାନ ର ସହିତ ବଞ୍ଚିବା ର ସ୍ବପ୍ନ ଦେଖିଥାନ୍ତେ। ଏସମ୍ପର୍କରେଆମେପୋଲସରା ଗୋଷ୍ଠୀ ଉନ୍ନୟନ ଅଧିକାରୀ ଙ୍କ ସହ ଯୋଗାଯୋଗ କରିବାରୁ ସେ ଯୋଗେନ୍ଦ୍ର ଙ୍କୁ ଯଥା ସମ୍ଭବ ସରକାରୀ ସହାୟତା ଯୋଗାଇବାକୁ ଉଦ୍ୟମ କରିବେ ବୋଲି କହିଛନ୍ତି। ଅନ୍ୟପଟେ ଯୋଗେନ୍ଦ୍ର ଙ୍କ ଚିକିତ୍ସା ଓ ସହାୟତା ଖର୍ଚ୍ଚ ବହନ ପାଇଁ ସରକାର ପଦକ୍ଷେପ ନେବେ ବୋଲି ପ୍ରତିଶୃତି ଦେଇଛନ୍ତି ପୋଲସରା ବିଧାୟକ ତଥା ମନ୍ତ୍ରୀ ଗୋକୁଳାନନ୍ଦ ମଲ୍ଲିକ।
ତେବେ ୨୭ ବର୍ଷ ଧରି ଯନ୍ତ୍ରଣା ସହ ଜୀବନ କାଟୁଥିବା ଯୋଗେନ୍ଦ୍ର ଙ୍କ ଜୀବନ ରେ କେବେ ହସ ଫୁଟୁଛି ତାହା ଦେଖିବାକୁ ବାକି ରହିଲା ।