Odisha Janamata : ଶିକ୍ଷା ନୀତିରେ କେନ୍ଦ୍ର ସରକାର ଙ୍କ ବଡ଼ ପରିବର୍ତ୍ତନ |

ଶିକ୍ଷା ନୀତିରେ କେନ୍ଦ୍ର ସରକାର ଙ୍କ ବଡ଼ ପରିବର୍ତ୍ତନ |

24-Dec-2024

କେନ୍ଦ୍ର ସରକାର ଶିକ୍ଷା ନିତି ରେ କଲେ ବଡ଼ ପରିବର୍ତ୍ତନ ,

(ଏଣିକି ପଞ୍ଚମ ଓ ଅଷ୍ଟମ ପରୀକ୍ଷାରେ ଫେଲ୍ ହେଲେ ଫେଲ୍ |

ଓଡିଶା ଜନମତ ବ୍ୟୁରୋ,

ନୂଆଦିଲ୍ଲୀ ୨୩/୧୨ : ସ୍କୁଲ ଶିକ୍ଷାରେ ବଡ଼ ପରିବର୍ତ୍ତନ କରିଛନ୍ତି କେନ୍ଦ୍ର ସରକାର । ୫ମ ଓ ୮ମ ଶ୍ରେଣୀରେ ରହିଥ‌ିବା ଫେଲ୍ ନ ହେବା କଟକଣାକୁ ଆଜି ସରକାର ହଟାଇ ଦେଇଛନ୍ତି । ଯେଉଁ ପିଲାମାନେ ବାର୍ଷିକ ପରୀକ୍ଷା ରେ ପାସ୍‌ କରିପାରିବେ ନାହିଁ, ସେମାନଙ୍କୁ ସ୍କୁଲ ପକ୍ଷରୁ ଫେଲ ଘୋଷଣା କରାଯାଇ ପାରିବ। ସେହିପରି ସେମାନେ ପରବର୍ତ୍ତୀ କ୍ଲାସକୁ ମଧ୍ଯ ଯାଇ ପାରିବେ ନାହିଁ । ତେବେ ୫ମ ଓ ୮ମ ଶ୍ରେଣୀରେ ଫେଲ ହେଉଥିବା ପିଲାମାନଙ୍କୁ ଆଉ ଗୋଟିଏ ସୁଯୋଗ ଦିଆଯିବ। ସେମାନେ ୨ ମାସ ମଧ୍ୟରେ ପୁଣି ପରୀକ୍ଷାର ସୁଯୋଗ ପାଇ ପାରିବେ । ଉକ୍ତ ଟେଷ୍ଟରେ କୃତ୍ତକାର୍ଯ୍ୟହେଲେ,ସେମାନେ ପରବର୍ତ୍ତୀ ଶ୍ରେଣୀକୁ ଯାଇ ପାରିବେ । କେନ୍ଦ୍ର ସରକାରଙ୍କ ଦ୍ୱାରା ପରିଚାଳିତ ସ୍କୁଲ ଗୁଡ଼ିକରେ ଏହି ନିୟମ ଲାଗୁ ହେବ।
ଏନେଇ କେନ୍ଦ୍ର ଶିକ୍ଷା ସଚିବ ସଞ୍ଜୟ କୁମାର ସୂଚନା ଦେଇଛନ୍ତି। । ଶିକ୍ଷା ଅଧିକାରୀ ଆଇନ ୨୦୧୯ରେ ସଂଶୋ ଧନ କରି ଦଶ ରାଜ୍ୟ ଓ ୨ କେନ୍ଦ୍ର ଶାସିତ ଅଞ୍ଚଳର ସ୍କୁଲ ଗୁଡ଼ିକ ଫେଲ୍ ନ ହେବା କଟ କଣାକୁ ହଟାଇ ଦେଇଛନ୍ତି । ସେମାନେ ମଧ୍ୟ ୫ମ ଓ ଅଷ୍ଟମ ଶ୍ରେଣୀ ପାଇଁ ଏହି ନିୟମ ଲାଗୁ କରିଛନ୍ତି । ସରକାରୀ ବିଜ୍ଞପ୍ତିରେ କୁହ କୁହାଯାଇଛି ଯେ ଯଦି କୌଣସି ଶିକ୍ଷାର୍ଥୀ ବାର୍ଷିକ ପରୀକ୍ଷାରେ କୃତ୍ତ କାର୍ଯ୍ୟ ହୋଇ ପାରୁ ନାହାନ୍ତି, ତା’ହେଲେ ସେମାନଙ୍କୁ ତାଙ୍କୁ ରେଜଲ୍ଡ ବାହାରିବାର ୨ ମାସ ମଧ୍ୟରେ ଅତିରିକ୍ତ କୋଚିଂ ଓ ପୁନଃ ପରୀକ୍ଷା ଦେବାର ସୁଯୋଗ ମିଳିବ । କିନ୍ତୁ ପୁନଃ ପରୀକ୍ଷାରେ ଶିକ୍ଷାର୍ଥୀ ଜଣଙ୍କ ବା ଶିକ୍ଷାର୍ଥୀମାନେ ପାସ୍‌ କରିପାରିଲେ ନାହିଁ, ତା`ହେଲେ ତାଙ୍କୁ ପୁଣି
୫ମ କିମ୍ବା ୮ମ ଶ୍ରେଣୀରେ ରହିବାକୁ ପଡ଼ିବ । ଏହି ସମୟରେ ଶ୍ରେଣୀ ଶିକ୍ଷକ କିମ୍ବା ଶ୍ରେଣୀ ଶିକ୍ଷୟିତ୍ରୀ ପିଲାଟି କେମିତି ପାସ୍‌ କରିବ, ସେନେଇ ଉଦ୍ୟମ କରିବେ। ତାଙ୍କୁ ଆବଶ୍ୟକ କୋଚିଂ ମଧ୍ୟ ଯୋଗାଇ ଦେବେ । ତେବେ ଶିକ୍ଷା ସମାପ୍ତ ନ ହେବା ଯାଏ କୌଣସି ସ୍କୁଲ ପକ୍ଷରୁ ପିଲାଙ୍କୁ ବହିଷ୍କୃତ କରାଯାଇ ପାରିବ ନାହିଁ ବୋଲି ସରକାର ସ୍ପଷ୍ଟ ଭାବେ କ‌ହିଛନ୍ତି । ଶିକ୍ଷା ଅଧିକାରୀଙ୍କ କହିବା କଥା ଯେ ଏହି ନି ନିୟମ କେନ୍ଦ୍ରୀୟ ବିଦ୍ୟାଳୟ, ନବୋଦୟ ବିଦ୍ୟାଳୟ ଓ ସୈନିକ ସ୍କୁଲ ସମେତ କେନ୍ଦ୍ର ଦ୍ବାରା ପରିଚାଳିତ ପ୍ରାୟ ୩ ହଜାର ସ୍କୁଲରେ କାର୍ଯ୍ୟକାରୀ ହେବ। ଶିକ୍ଷା ରାଜ୍ୟର ବ୍ୟାପାର ହୋଇ ଥ‌ିବାରୁ ରାଜ୍ୟଗୁଡ଼ିକ ସେମାନଙ୍କ ହିସାବରେ ଅନ୍ୟ ସ୍କୁଲରେ ଏହି ନିୟମ ଲାଗୁ କରିପାରିବେ |