Odisha Janamata : ଗଞ୍ଜାମ ଜିଲ୍ଲା ପାଳ ଙ୍କୁ 11ଦଫା ଦାବି ନେଇ ଅଖିଳ ଭାରତ କୃଷକ ସଭା ମଞ୍ଚ ପକ୍ଷରୁ ସ୍ମାରକ ପତ୍ର ପ୍ରଦାନ |

ଗଞ୍ଜାମ ଜିଲ୍ଲା ପାଳ ଙ୍କୁ 11ଦଫା ଦାବି ନେଇ ଅଖିଳ ଭାରତ କୃଷକ ସଭା ମଞ୍ଚ ପକ୍ଷରୁ ସ୍ମାରକ ପତ୍ର ପ୍ରଦାନ |

15-Jul-2026

ଅଖିଳ ଭାରତ କୃଷକସଭା ମଞ୍ଚ ପକ୍ଷରୁ ୧୧ ଦଫା ଦାଵୀ ନେଇ ଗଞ୍ଜାମ ଜିଲ୍ଲାପାଳ ଙ୍କୁ ସ୍ମାରକପତ୍ର ପ୍ରଦାନ ।

ଓଡିଶା ଜନ ମତ, ଛତ୍ରପୁର,

କେ.ସତ୍ୟନାରାୟଣ ରେଡ୍ଡୀ:--------
ଅଖିଳ ଭାରତ କୃଷକସଭା ମଞ୍ଚ ଗଞ୍ଜାମ ଜିଲ୍ଲା ପରିଷଦ ପକ୍ଷରୁ ଏଲନିନୋ ପ୍ରଭାବରେ ଅନିୟମିତ ବର୍ଷା ର ମୁକାବିଲା ପାଇଁ ୧୧ ଦଫା ଦାବୀ ନେଇ ମଙ୍ଗଳବାର ଗଞ୍ଜାମ ଜିଲ୍ଲାପାଳ ଙ୍କୁ ଏକ ସ୍ମାରକପତ୍ର ପ୍ରଦାନ କରାଯାଇଛି । ଗଞ୍ଜାମ ଜିଲ୍ଲା ର ବିଭିନ୍ନ ବ୍ଳକ ରୁ ଆସିଥିବା କୃଷକ ପ୍ରତିନିଧିମାନେ ଜିଲ୍ଲା ସଭାପତି ଶ୍ରୀହର୍ଷ ରଥ ଙ୍କ ନେତୃତ୍ତ୍ଵରେ ଅତିରିକ୍ତ ଜିଲ୍ଲାପାଳ ସଚ୍ଚିଦାନନ୍ଦ ନାୟକ ଙ୍କୁ ସାକ୍ଷାତ କରି ଦାଵୀ ପତ୍ର ପ୍ରଦାନ କରିଛନ୍ତି । ନିର୍ଦିଷ୍ଟ ନିର୍ଦ୍ଧିଷ୍ଟ ସମୟ ମଧ୍ୟରେ ଦାବୀ ପୂରଣ ନହେଲେ ଗଞ୍ଜାମ ଜିଲ୍ଲାବ୍ୟାପି ଚାଷୀ ଆନ୍ଦୋଳନ ଜୋରଦାର୍ କରାଯିବ ବୋଲି ପ୍ରସାଶନ କୁ ଚାଷୀନେତା ଗଣ ଚେତାବନୀ ଦେଇଛନ୍ତି । ମଙ୍ଗଳବାର କୃଷକ ସଭା ପକ୍ଷରୁ ପ୍ରଦାନ କରା ଯାଇଥିବା ପ୍ରମୁଖ ଦାଵୀ ମଧ୍ୟରେ ପ୍ରଚୁର ପରିମାଣର ବିହନ ମହଜୁଦ୍ ରଖିବା ଏବଂ ଚାଷୀ ମାନଙ୍କୁ ମାଗଣାରେ ବିହନ ଦେବା , ରିହାତି ଦରରେ ସାର ଯୋଗାଇଦେବା ସହିତ ସାର କଳାବଜାରୀ ମାନଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିବା , କେନାଲ ଗୁଡ଼ିକର ତୁରନ୍ତ ମରାମତି କରିବା , ଉଠାଜଳସେଚନ ପଏଣ୍ଟ ଗୁଡ଼ିକ ର ମରାମତି ସହିତ ବିଦ୍ୟୁତ ଦେୟ ଛାଡ କରିବା , ଗଞ୍ଜାମ ଜିଲ୍ଲାର ସମସ୍ତ ଚାଷୀ ଙ୍କୁ ମାଗଣା ଶସ୍ୟ ବୀମା ସୁବିଧା ଦେବା ସହିତ କୃଷିଋଣ ଛାଡ କରିବା, ନିତ୍ୟ ବ୍ୟବହାର୍ଯ୍ୟ ଜିନିଷ ର ଦରଦାମ କମାଇବା, ଅସହାୟ ଭତ୍ତା ନିୟମିତ ଓ ନିର୍ଦ୍ଦିଷ୍ଟ ସମୟରେ ଦେବା ଏବଂ ଚାଷୀ ମାନଙ୍କୁ ନିଶ୍ଚିତ କର୍ମନିଯୁକ୍ତି ଯୋଜନାରେ ବର୍ଷସାରା କାମ ଯୋଗାଇଦେବା ପ୍ରଭୃତି ଦାବୀ ରହିଛି । ଗଞ୍ଜାମ ଜିଲ୍ଲାପାଳ ଙ୍କ କାର୍ଯ୍ୟାଳୟରେ କାର୍ଯ୍ୟରତ ଅତିରିକ୍ତ ଜିଲ୍ଲାପାଳ ଙ୍କୁ ଭେଟିବା ସମୟରେ ସଭାପତି ଶ୍ରୀ ରଥ ଙ୍କ ସମେତ ସମ୍ପାଦକ ରାଜିବ ଲୋଚନ ପଣ୍ଡାଙ୍କ ସମେତ ସମ୍ପାଦକ ନୀଳକଣ୍ଠ ଦାସ , ବରିଷ୍ଠ କୃଷକ ନେତା ରଙ୍କନାଥ ସ୍ବାଇଁ , ସତ୍ୟନାରାୟଣ ମହାପାତ୍ର , ପଞ୍ଚାନନ ସ୍ବାଇଁ , ଗୋପାଳ ଭୁୟାଁ , ସତ୍ୟବାଦୀ ସ୍ବାଇଁ , ଜୟକୃଷ୍ଣ ନାୟକ , ଏମ୍. କ୍ରିଷ୍ଣା ରେଡି , ଟି. ନାରାୟଣ ରେଡି , ସି.ଏଚ୍. ଜନାର୍ଦ୍ଧନ ରେଡି , ଦଣ୍ଡାସି ପାତ୍ର , ହରିହର ପାତ୍ର , ବିଜୟ ସାମନ୍ତରା ପ୍ରମୁଖ ବହୁ ଗଣ୍ୟମାନ୍ୟ ନେତ୍ତୃବର୍ଗ ଉପସ୍ଥିତ ରହି ଚାଷୀମାନଙ୍କ ସ୍ୱାର୍ଥ ରକ୍ଷା ଦିଗରେ ଜିଲ୍ଲାପ୍ରଶାସନ କୁ ଅବଗତ କରାଇଥିଲେ ଏବଂ ଉକ୍ତ ୧୧ ଦଫା ଦାବୀ ସମ୍ପର୍କରେ ଦର୍ଶାଇଥିଲେ ।।