Odisha Janamata : ଖଲ୍ଲିକୋଟ ସମନ୍ୱିତ ଶିଶୁ ବିକାଶ ପ୍ରକଳ୍ପ କାର୍ଯ୍ୟାଳୟ ପକ୍ଷରୁ "ରଜ ଉତ୍ସବ ଅଦ୍ଵିକା `କାର୍ଯ୍ୟକ୍ରମ ଅନୁଷ୍ଠିତ |

ଖଲ୍ଲିକୋଟ ସମନ୍ୱିତ ଶିଶୁ ବିକାଶ ପ୍ରକଳ୍ପ କାର୍ଯ୍ୟାଳୟ ପକ୍ଷରୁ "ରଜ ଉତ୍ସବ ଅଦ୍ଵିକା `କାର୍ଯ୍ୟକ୍ରମ ଅନୁଷ୍ଠିତ |

13-Jun-2026

ଖଲ୍ଲିକୋଟ ସମନ୍ବିତ ଶିଶୁବିକାଶ ପ୍ରକଳ୍ପ କାର୍ଯାଳୟ ପକ୍ଷରୁ ରଜ ଉଛବ,ଅଦୈକା କାର୍ଯ୍ୟକ୍ରମ।

ଓଡିଶା ଜନ ମତ,ଖଲ୍ଲିକୋଟ ୧୩-୬-୨୦୨୬,

ପ୍ରଶାନ୍ କୁମା ମିଶ୍:---

ଖଲ୍ଲିକୋଟ ସମନ୍ୱିତ ଶିଶୁ ବିକାଶ କେନ୍ଦ୍ର ପକ୍ଷରୁ କିଶୋରୀ ସୁଭଦ୍ରାମାନଙ୍କୁ ନେଇ ପାଳିତ ହୋଇଛି ରଜ ଉତ୍ସବ ତଥା ଅଦୈକା କାର୍ଯ୍ୟକ୍ରମ। ଦୋଳି ଖେଳ, ପିଠାପଣା ଓ ରାଜ ପାନ ସହ ରଜର ମଜା ନେଇଛନ୍ତି କିଶୋରୀମାନେ। ଗଞ୍ଜାମ ଜିଲ୍ଲା ଖଲ୍ଲିକୋଟ ସ୍ଥିତ ମର୍ଦ୍ଧରାଜ କଲ୍ୟାଣୀ ମଣ୍ଡପରେ ସମନ୍ୱିତ ଶିଶୁ ବିକାଶ କେନ୍ଦ୍ର ପକ୍ଷରୁ କିଶୋରୀ ସୁଭଦ୍ରାମାନଙ୍କୁ ନେଇ ରଜ ଉତ୍ସବ ଓ ଅଦୈକା କାର୍ଯ୍ୟକ୍ରମ ଆୟୋଜିତ ହୋଇଥିଲା। ରଙ୍ଗବେରଙ୍ଗର ପୋଷାକ ପିନ୍ଧି ସୁସଜ୍ଜିତ ହୋଇ କିଶୋରୀମାନେ ଏହି କାର୍ଯ୍ୟକ୍ରମରେ ଯୋଗଦେଇ ରଜ ପର୍ବର ପାରମ୍ପରିକ ଉତ୍ସବକୁ ଉପଭୋଗ କରିଥିଲେ। କାର୍ଯ୍ୟକ୍ରମରେ ଦୋଳି ଖେଳ, ରଜଗୀତ, ପିଠାପଣା, ମିଠା ଓ ରାଜ ପାନର ବ୍ୟବସ୍ଥା କରାଯାଇଥିଲା। କିଶୋରୀମାନେ ଉତ୍ସାହର ସହ ଏଥିରେ ଭାଗ ନେଇ ରଜ ପର୍ବର ସାଂସ୍କୃତିକ ଓ ପାରମ୍ପରିକ ମହତ୍ତ୍ୱ ସମ୍ପର୍କରେ ଅବଗତ ହୋଇଥିଲେ। ଗଞ୍ଜାମ ଜିଲ୍ଲାର ଚାରିଟି ସମନ୍ୱିତ ଶିଶୁ ବିକାଶ କେନ୍ଦ୍ରରେ ଏଭଳି କାର୍ଯ୍ୟକ୍ରମ ପାଳନ ପାଇଁ ନିର୍ଦ୍ଦେଶ ଥିବା ବେଳେ ଖଲ୍ଲିକୋଟରେ ଏହା ଆନନ୍ଦ ଓ ଉତ୍ସାହର ସହ ପାଳନ କରାଯାଇଛି। ଏହି ଅବସରରେ ଖଲ୍ଲିକୋଟ ତହସିଲଦାର ଡି. ମାଲେଶ୍ୱର ପାତ୍ର ମୁଖ୍ୟ ଅତିଥି ଭାବେ ଏବଂ ଖଲ୍ଲିକୋଟ ଥାନା ଅଧିକାରୀ ରମେଶ ପ୍ରଧାନ ମୁଖ୍ୟବକ୍ତା ଭାବେ ଯୋଗଦେଇ କିଶୋରୀମାନଙ୍କୁ ସଚେତନତା, ଶିକ୍ଷା ଓ ସ୍ୱାବଲମ୍ବନର ବାର୍ତ୍ତା ଦେଇଥିଲେ। ସିଡିପିଓ ମଧୁମିତା ପରିଜାଙ୍କ ତତ୍ତ୍ୱାବଧାନରେ କାର୍ଯ୍ୟକ୍ରମଟି ପରିଚାଳିତ ହୋଇଥିଲା। ପ୍ରଥମ ଥର ପାଇଁ ସରକାରୀ ସ୍ତରରେ କିଶୋରୀ ସୁଭଦ୍ରାମାନଙ୍କୁ ନେଇ ଏଭଳି ରଜ ଉତ୍ସବ ଆୟୋଜନ କରାଯାଇଥିବାରୁ ଅଂଶଗ୍ରହଣକାରୀ କିଶୋରୀମାନେ ଖୁସି ବ୍ୟକ୍ତ କରିଥିଲେ।