Odisha Janamata : ଦେଶୀ ମଦ ବିକିବା ପାଇଁ ରଖିଥିଲା ବେଳେ ଅବକାରୀ ବିଭାଗ ଦ୍ଵାରା ଦୁଇ ଗିରଫ ||

ଦେଶୀ ମଦ ବିକିବା ପାଇଁ ରଖିଥିଲା ବେଳେ ଅବକାରୀ ବିଭାଗ ଦ୍ଵାରା ଦୁଇ ଗିରଫ ||

12-Jun-2026

ଅବକାରୀ ବିଭାଗ ର ଚଢ଼ାଉ ଦୁଇଟି ସ୍ଥାନରେ ୩୩ ଲିଟର ଦେଶୀ ମଦ ଜବତ, ସହ ଦୁଇ ଜଣ ଗିରଫ |

ଓଡିଶା ଜନ ମତ ବ୍ୟୁରୋ,

ଚୋରାରେ ଦେଶୀ ମଦ ଗଛିତ ରଖି ବିକିବାକୁ ମସୁଧା କରୁଥିବା ବେଳେ ଅବକାରୀ ବିଭାଗ ଦ୍ଵାରା ଗିରଫ ହୋଈ କୋର୍ଟ ଚାଲାଣ ହେବାର ଏକ ଖବର ଆସିଛି,ଢେଙ୍କାନାଳ ଜିଲ୍ଲା ଭୁବନ ଅବକାରୀ ବିଭାଗ ଗତକାଲ ୩୩ ଲିଟର ଦେଶୀ ମଦ ଜବତ କରିବା ସହିତ ଦୁଇ ଜଣ ଅଭିଯୁକ୍ତ ଙ୍କୁ ଗିରଫ କରିବାରେ ସକ୍ଷମ ହୋଇଥିବା ସୂଚନା ମିଳିଛି। ପ୍ରାପ୍ତ ସୂଚନାନୁଯାୟୀ ଅବକାରୀ ନିରୀକ୍ଷକ ଶ୍ରୀଯୁକ ବୁଲୁ ପାତ୍ର ଗୁରୁବାର ସକାଳ ୭ ଘଟିକା ସମୟରେ ସଦଳ ବଳେ ପାଟ୍ରୋଲିଂ ରେ ଯାଇଥିବା ବେଳେ ଭୁବନ ଥାନା ଅନ୍ତର୍ଗତ କହ୍ନେଇପାଳ ଗ୍ରାମର ଶେଷ ପାତ୍ର ଙ୍କ ଠାରୁ ୧୭ ଲିଟର ଦେଶୀ ମଦ ଜବତ କରି ତାଙ୍କୁ ଗିରଫ କରିଥିଲେ । ଅନୁରୂପ ଭାବେ ଗତକାଲି ବୁଧବାର କଞ୍ଚନ ବାହାଳି ଗ୍ରାମର ଯମୁନା ମୁଣ୍ଡା ନାମକ ଜନୈକା ମହିଳାଙ୍କ ଠାରୁ ୧୬ ଲିଟର ଦେଶୀ ମଦ ଜବତ କରି ତାଙ୍କୁ ଗିରଫ କରାଯାଇଥିଲା।ଭୁବନ ଅବକାରୀ ଇନ୍ସପେକ୍ଟର ବୁଲୁ ପାତ୍ର ଙ୍କ ତତ୍ତ୍ଵାବଧାନରେ କନଷ୍ଟେବଳ ଶ୍ରଦ୍ଧାଞ୍ଜଳି ସାମଲ, ସୁଜିତ ନାୟକ,ଆଲୋକ କୁମାର ଜେନା ଙ୍କ ସହଯୋଗ କରିଥିଲେ । ଏ ସମ୍ପର୍କରେ କେଶ୍ ନଂ ୩୮/୨୦୨୬-୨୭ ଓ ୩୯/୨୦୨୬-୩୭ ରେ ଦୁଇଟି ମାମଲା ରୁଜୁ କରାଯାଇ ଅଭିଯୁକ୍ତ କୁ ଭୁବନ ଜେ ଏମ ଏଫ୍ ସି କୋର୍ଟ କୁ ପଠାଯାଇଥିବା ଅବକାରୀ ବିଭାଗ ପକ୍ଷରୁ ଜଣାପଡ଼ିଛି ।