Odisha Janamata : ବଡ଼ବିଲ ପୋଲିସ ର ସାମ୍ବାଦିକ ସମ୍ମିଳନୀ ରେ ଏକ ହତ୍ୟା କାଣ୍ଡ ର ଫର୍ଦା ଫାସ !|

ବଡ଼ବିଲ ପୋଲିସ ର ସାମ୍ବାଦିକ ସମ୍ମିଳନୀ ରେ ଏକ ହତ୍ୟା କାଣ୍ଡ ର ଫର୍ଦା ଫାସ !|

11-Jun-2026

ବଡ଼ବିଲ ଏସଡ଼ିପିଓ ସାମ୍ବାଦିକ ସମ୍ମିଳନୀ କରି ଏକ ହତ୍ୟା କାଣ୍ଡ ର ଫର୍ଦା ଫାସ କଲେ |

ଓଡିଶା ଜନ ମତ ବ୍ୟୁରୋ

ଏକ ହତ୍ୟା କାଣ୍ଡ ରଫର୍ଦାଫାସ କରିଛିପୋଲିସ | କେନ୍ଦୁଝର ଜିଲ୍ଲାର ବଡବିଲ ଥାନା ପରିସରରେ ଆଜି ଏକ ସାମ୍ବାଦିକ ସମ୍ମିଳନୀରେ SDPO ଦେବେନ୍ଦ୍ରନାଥ ପିଙ୍ଗୁଆ ଏକ ହତ୍ୟାକାଣ୍ଡର ରହସ୍ୟ ଉନ୍ମୋଚନ କରିଥିଲେ । ତାଙ୍କ ସହ ବଡବିଲ ଥାନା IIC ଅଶୋକ କୁମାର ନାୟକ ମଧ୍ୟ ଉପସ୍ଥିତ ଥିଲେ। SDPO ପିଙ୍ଗୁଆ ମିଡିଆକୁ ସୂଚନା ଦେଇ କହିଥିଲେ ଯେ ଏହି ମାମଲା ଅତ୍ୟନ୍ତ ସମ୍ବେଦନଶୀଳ ଓ ଜଟିଳ ଥିଲା, କିନ୍ତୁ ପୋଲିସ୍ ତ୍ୱରିତ କାର୍ଯ୍ୟାନୁଷ୍ଠାନ ଗ୍ରହଣ କରି କେବଳ କିଛି ଘଣ୍ଟା ମଧ୍ୟରେ ଏହାର ସମାଧାନ କରିପାରିଛି।ଏହି ଘଟଣା ୧୮ ବର୍ଷୀୟ ଏକ ଯୁବକଙ୍କ ନିର୍ମମ ହତ୍ୟା ସହ ଜଡିତ, ଯାହାର ପଛରେ ଚୋରାମାଲ ବଣ୍ଟନକୁ ନେଇ ସାଧାରଣ ବିବାଦ ଥିବା ତଥ୍ୟ ସାମ୍ନାକୁ ଆସିଛି। ଏହି ମାମଲାରେ ଜଣେ ମୁଖ୍ୟ ଅଭିଯୁକ୍ତଙ୍କୁ ଗିରଫ କରାଯାଇଛି ଏବଂ ଜଣେ ନାବାଳକଙ୍କୁ ଜୁଭେନାଇଲ୍ ଜଷ୍ଟିସ୍ ଆଇନ ଅନୁଯାୟୀ ହିରାସତରେ ନିଆଯାଇଛି।ସୂଚନା ଅନୁସାରେ, ଏହି ଘଟଣା ୯ ଜୁନ ୨୦୨୬ ଦିନ ଘଟିଥିଲା। ଅପରାହ୍ନ ପ୍ରାୟ ୧:୩୦ ମିନିଟ୍ ସମୟରେ ବଡବିଲ ଥାନା ଏଏସଆଇ ଜନ୍ମଜୟ ବ୍ରହ୍ମା ନିୟମିତ ପେଟ୍ରୋଲିଂ କରୁଥିବାବେଳେ ଏନଏଚ-୫୨୦ ଠାରୁ ପ୍ରାୟ ୮୦୦ ମିଟର ଦୂରରେ ଥିବା ମୁଣ୍ଡା ସାହି ନିକଟ ଏକ ଗଭୀର ଖାଇରେ ଏକ ଅଜଣା ଶବ ଥିବା ଗୁପ୍ତ ସୂଚନା ପାଇଥିଲେ। ସୂଚନା ପାଇ ପୋଲିସ୍ ତୁରନ୍ତ ଘଟଣାସ୍ଥଳକୁ ପହଞ୍ଚି ଡଗ୍ ସ୍କ୍ୱାଡ୍, ସାଇଣ୍ଟିଫିକ୍ ଟିମ୍ ସହିତ ଅଞ୍ଚଳକୁ ସିଲ୍ କରିଥିଲେ। ପ୍ରାଥମିକ ତଦନ୍ତରେ ଏହା ଏକ ହତ୍ୟାକାଣ୍ଡ ବୋଲି ସ୍ପଷ୍ଟ ହୋଇଥିଲା। ପରେ ମୃତକଙ୍କ ପରିଚୟ ଜୋଡା ଥାନା ହୁଡ଼ିସାହି ଗ୍ରାମର ୧୮ ବର୍ଷୀୟ ବାଦଲ ସିଂ ଭାବେ ହୋଇଥିଲା।ପୋଲିସ୍ ତଦନ୍ତରେ ପ୍ରକାଶ ପାଇଛି ଯେ ମୃତକ ଓ ଅଭିଯୁକ୍ତମାନେ ପୂର୍ବରୁ ଚୋରି ଓ ଅନ୍ୟାନ୍ୟ ଅପରାଧିକ କାର୍ଯ୍ୟରେ ସଂପୃକ୍ତ ଥିଲେ। ନାବାଳକ ଅଭିଯୁକ୍ତ ବାଦଲ ସିଂଙ୍କ ମୋବାଇଲ୍ ଫୋନ୍ ରଖି ନେଇଥିବାରୁ ବିବାଦ ଆରମ୍ଭ ହୋଇଥିଲା। ୮ ଜୁନରେ ତିନିଜଣ ଜୋଡା ଅଞ୍ଚଳରେ ନାବାଳକଙ୍କ ଘରେ ମିଳିଥିଲେ ଏବଂ ପରେ ଘଟଣାସ୍ଥଳକୁ ଯାଇ ମଦ ଓ ଗଞ୍ଜେଇ ସେବନ କରିଥିଲେ। ନିଶା ଅବସ୍ଥାରେ ବାଦଲ ସିଂ ସୋଇପଡିଥିବାବେଳେ ଅଭିଯୁକ୍ତ ସଞ୍ଜୟ ମୁଣ୍ଡା ଓ ନାବାଳକ ମିଶି ଭାରୀ ପଥରରେ ତାଙ୍କ ମୁଣ୍ଡରେ ପ୍ରଚଣ୍ଡ ଆଘାତ କରିଥିଲେ। ଘଟଣା ପରେ ଶବକୁ ଖାଇରେ ଫିଙ୍ଗି ଦେଇ ମୃତକଙ୍କ ମୋବାଇଲ୍ ନେଇ ଅଭିଯୁକ୍ତମାନେ ପଳାଇଥିଲେ। ତଦନ୍ତ ସମୟରେ ପୋଲିସ୍ ଟେକ୍ନିକାଲ୍ ଓ ସାଇଣ୍ଟିଫିକ୍ ସାକ୍ଷ୍ୟ ଆଧାରରେ ଅଭିଯୁକ୍ତଙ୍କୁ ଧରିଥିଲେ। ପଚରାଉଚରାରେ ମୁଖ୍ୟ ଅଭିଯୁକ୍ତ ସଞ୍ଜୟ ମୁଣ୍ଡା ଅପରାଧ ସ୍ୱୀକାର କରିଛନ୍ତି। ତାଙ୍କ ନିଶାନଦେହୀରେ ହତ୍ୟାରେ ବ୍ୟବହୃତ ରକ୍ତ ଲାଗିଥିବା ପଥର ଓ ମୋବାଇଲ୍ ଫୋନ୍ ମଧ୍ୟ ଜବତ କରାଯାଇଛି। ବର୍ତ୍ତମାନ ମୁଖ୍ୟ ଅଭିଯୁକ୍ତଙ୍କୁ କୋର୍ଟରେ ହାଜର କରାଯାଇ ଆଇନଗତ ପ୍ରକ୍ରିୟା ଜାରି ରହିଛି।