Odisha Janamata : ଚଳନ୍ତା ଟ୍ରାକ୍ଟର ରୁ ଖସି ନାବାଳକ ର ମୃତ୍ୟୁ |

ଚଳନ୍ତା ଟ୍ରାକ୍ଟର ରୁ ଖସି ନାବାଳକ ର ମୃତ୍ୟୁ |

11-Jun-2026

ବ୍ରାହ୍ମଣୀ ଗାଁ ନିକଟରେ ଟ୍ରାକ୍ଟର ରୁ ଖସି ନାବାଳକ ର ମୃତ୍ୟୁ |

ଓଡିଶା ଜନ ମତ, ବାଲିଗୁଡା ୧୦/୬,
ସଞ୍ଜୟକୁମାରପାଣିଗ୍ରାହୀ ;---

ଅସୁବିଧା ବଶତଃ ହେଉ କିମ୍ବା ଅସାବଧାନତା ଯୋଗୀ ଚଳନ୍ତା ଟ୍ରାକ୍ଟର ରୁ ଖସି ଜଣେ ନାବାଳକ ର ମୃତ୍ୟୁ ହୋଇଛି ଏଭଳି ଏକ ଅଭାବନୀୟ ଘଟଣା ଘଟିଛି ବ୍ରାହ୍ମଣୀ ଗାଁ ଥାନା ନିକଟରେ | ଗତକାଲି ଗୋଟିଏ ଚଳନ୍ତା ଟ୍ରାକ୍ଟରରୁ ଖସି ପଡ଼ି ଜଣେ ନାବାଳକର ମୃତ୍ୟୁ ଘଟଣା ହୋଇଛି | ଯାହାକୁ ନେଇ ସେଜି ଅଞ୍ଚଳରେ ଶୋକର ଛାୟା ଖେଳିଯାଇଛି। ମୃତ ନାବାଳକ ଜଣକ ବ୍ରାହ୍ମଣୀଗାଁ ଥାନା ତାଜୁଙ୍ଗିଆ ପଞ୍ଚାୟତର ପଦାସାହି ନିବାସୀ ଅକ୍ଷୟ କୁମାର ମଲ୍ଲିକ ଙ୍କ ପୁଅ ଗ୍ରେସ କୁମାର୍ ମଲ୍ଲିକ (୧୫) ବୋଲି ପୋଲିସ ଜାଣିବାକୁ ପାଇଛି । ସୂଚନା ଅନୁଯାୟୀ ଗ୍ରେସ ଋତୁଙ୍ଗିଆ ହାଇସ୍କୁଲ ରେ ଦଶମ ଶ୍ରେଣୀ ରେ ପାଠ ପଢୁଥିଲେ । ଖରାଛୁଟି କଟାଇବା ପାଇଁ ଘରକୁ ଆସିଥିଲେ । ଗତକାଲି ଭୋର ସକାଳୁ ଉଠି ଦେଖିଲା ବେଳକୁ ବାପା ବିଲରେ ହଳ କରିବାକୁ ଯାଇ ଥିଲେ । ଗ୍ରେସ ଗାଧୁଆ ପାଧୁଆ କାମ ସାରି ଗାଁ ମୁଣ୍ଡ ରେ ଠିଆ ହୋଈ ଥିବା ବେଳେ ଏକ ଟ୍ରାକ୍ଟର ନିଜ ଗାଁ ରୁ ମହାଗୁଡ଼ି ଅଭିମୁଖେ ଯାଉଥିବା ଦେଖି ଗ୍ରେସ ସେହି ଟ୍ରାକ୍ଟର ରେ ଚଢ଼ି ଯାଇଥିଲେ ।ହେଲେ କିଛି ବାଟ ଆସିବା ପରେ ମହାଗୁଡ଼ି ଗାଁର କିଛି ବାଟ ପୂର୍ବରୁ ଟୁଙ୍ଗୁଡ଼ୁମହା ସାହି ନିକଟ ରେ ଥ‌ିବା ଏକ ହମ୍ପସ ରେ ଡ୍ରାଇଭର ବ୍ରେକ ମାରିବାରୁ ଗାଡ଼ି ବ୍ରେକ ମାରିବାରୁ ଗ୍ରେସ ଟ୍ରାକ୍ଟର ରୁ ଛିଟିକି ତଳେ ପଡ଼ି ଯାଇ ଥିଲେ । ସଙ୍ଗେ ସଙ୍ଗେ ଡ୍ରାଇଭର ଟ୍ରାକ୍ଟର କୁ ରାସ୍ତା ସାଇଡ ରେ ରଖି ଗୁରୁତର ଅବସ୍ଥାରେ ଥିବା ଗ୍ରେସ ଙ୍କୁ ୧୦୮ଆମ୍ବୁଲାନ୍ସ ଡାକି ଏବଂ ତାଙ୍କ ପରିବାର ଙ୍କୁ ଖବର ଦେଈ ବ୍ରାହ୍ମଣୀଗାଁ ଚିକିତ୍ସା ଳୟ କୁ ନିଆଯାଇ ଥୂଲା । ହେଲେ ଚିକିତ୍ସା କରୁଥିବା ଡକ୍ଟର ତାଙ୍କୁ ମୃତ୍ୟୁ ଘୋଷଣା କରିଥିଲେ। ଖବର ପାଇ ବ୍ରାହ୍ମଣୀଗାଁ ଥାନା ଏସଆଇ ମେଡିକାଲ ରେ ପହଂଚି ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇ ଥିଲେ | ଏବଂ ଘଟଣା ସ୍ଥଳକୁ ଯାଇ ଏହାର ତଦନ୍ତ ଜାରି ରଖୁ ଛନ୍ତି | ଏବଂ ଶବ ବ୍ୟବଚ୍ଛେଦ ପରେ ପରିବାର କୁ ହସ୍ତାନ୍ତର କରା ଯାଇଛି | ପ୍ରକୃତ ତଦନ୍ତ ହେଲେ ଗ୍ରେସ ର ମୃତ୍ୟୁ ରହସ୍ୟ ଉନ୍ମୋଚନ ହୋଈ ପାରିବ ବୋଲି ସାଧାରଣ ରେ ଚର୍ଚ୍ଚା ହେଉଛି |