Odisha Janamata : ଶିଳ୍ପାଞ୍ଚଳ ଥାନା ଜଟଣୀ ବିଏସ ଏଫ କ୍ୟାମ୍ପ ନିକଟ ଭଡା ଘରୁ 850 କଫ ସିରଫ ଜବତ, 4ଗିରଫ

ଶିଳ୍ପାଞ୍ଚଳ ଥାନା ଜଟଣୀ ବିଏସ ଏଫ କ୍ୟାମ୍ପ ନିକଟ ଭଡା ଘରୁ 850 କଫ ସିରଫ ଜବତ, 4ଗିରଫ

20-Mar-2026

ଶିଳ୍ପାଞ୍ଚଳ ଥାନା ମୋଦି ପଡିଆ ଜଟଣୀ ବିଏସଏଫ କ୍ୟାମ୍ପ ନିକଟ ଭଡା ଘରୁ 850 ଟି କଫ ସିରଫ ଜବତ ::: 4 ଗିରଫ
------------------------------------------
ଓଡିଶା ଜନମତ, ଖୋର୍ଦ୍ଧା, ଗୋପାଳ କୃଷ୍ଣ ପ୍ରଧାନ:---

ଆଜି ଖୋର୍ଦ୍ଧା ଶିଳ୍ପାଞ୍ଚଳ ପୋଲିସକୁ ଏକ ବଡ ସଫଳତା ମିଳିଛି l ଏ ନେଇ 850 ବଟଲ କଫ ସିରଫ ଜବତ ସହିତ 4 ଜଣ ଅଭିଯୁକ୍ତ ଙ୍କୁ ଗିରଫ କରିଛି ଶିଳ୍ପାଞ୍ଚଳ ପୋଲିସ l ମୋଦି ପଡିଆ ନିକଟରେ ବେଆଇନି କଫ ସିରଫ ବେପାର ଚାଲୁଥିବା ବିଶେଷ ସୂତ୍ରରୁ ଖବର ପାଇ ଶିଳ୍ପାଞ୍ଚଳ ଥାନା ଅଧିକାରୀ ଉମେଶ କୁମାର ସାହୁ ଏସପି ବିବେକାନନ୍ଦ ଶର୍ମା ଓ ଖୋର୍ଦ୍ଧା ଏସଡ଼ିପିଓ ନିହାର ରଞ୍ଜନ ପ୍ରଧାନ ଙ୍କ ଦୃଷ୍ଟିକୁ ଆଣିଥିଲେ l ପରେ ଏସପି ନିର୍ଦେଶ କ୍ରମେ ଶିଳ୍ପାଞ୍ଚଳ ଥାନା ଅଧିକାରୀ ଉମେଶ କୁମାର ସାହୁ ଙ୍କ ନେତୃତରେ ଏକ ଟିମ ଗଠନ କରାଯାଇ ଖୋର୍ଦ୍ଧା ରୁ ଜଟଣୀ ଯିବା ରାସ୍ତା ମୋଦି ପଡିଆ ନିକଟ ବିଏସଏଫ କ୍ୟାମ୍ପ ପାଖରେ ଥିବା ଏକ ଭଡା ଘର ଉପରେ ଚଢ଼ାଉ କରାଯାଇଥିଲା l ଏହି ଚଢ଼ାଉ ସମୟରେ 850 ବଟଲ କଫ ସିରଫ ଯାହାର ଆନୁମାନିକ ମୂଲ୍ୟ 3 ଲକ୍ଷ 50 ହଜାର ହେବ ଜବତ ସହିତ ନଗଦ ଏକ ଲକ୍ଷ ସତେଇସି ହଜାର ଏକ ଶହ ଟଙ୍କା, ତିନଟି ଚାରି ଚକିଆ ,,୩ ଟି ୨ ଚକିଆ ଗାଡି ସହିତ,5 ଟି ମୋବାଇଲ ଜବତ ସହିତ ଏଥିରେ ସମ୍ପୃକ୍ତ 4 ଜଣ ଅଭିଯୁକ୍ତ ଙ୍କୁ ଗିରଫ କରିଛି l ଏହି ବେଆଇନି ବେପାରରେ ଅନ୍ୟ ରାଜ୍ୟ ତଥା ଉତ୍ତରପ୍ରଦେଶ ନୋଏଡା ଓ ଦିଲ୍ଲୀ ର କିଛି ସାମିଲ ଥିବା ବେଳେ 4 ଜଣ ଅଭିଯୁକ୍ତ ଙ୍କ ସହିତ ସ୍ଥାନୀୟ ଅଞ୍ଚଳ ର କେଉଁ ମାନେ ସାମିଲ ଅଛନ୍ତି ତାହା ଉପରେ ତଦନ୍ତ ଜାରି ରହିଛି ଓ ଖୋର୍ଦ୍ଧା ଅଞ୍ଚଳ ରୁ ବେଆଇନି କଫ ସିରଫ କୁ ବନ୍ଦ ପାଇଁ ଏକ ଟିକ ଗଠନ ହୋଇ ସ୍ୱତନ୍ତ୍ର ଦୃଷ୍ଟି ରଖା ଯାଇଛି ବୋଲି ଏନେଇ ଆଜି ଏକ ସାମ୍ବାଦିକ ସମ୍ମିଳନୀ ରେ ଏସପି ବିବେକାନନ୍ଦ ଶର୍ମା ସୂଚନା ଦେଇଛନ୍ତି l ଏହି ବଡ଼ ଧରଣ ର ଚଢ଼ାଉ ରେ ଶିଳ୍ପାଞ୍ଚଳ ଥାନାର ସବଇନ୍ସପେକ୍ଟର ଅଶୋକ ମହାନ୍ତି, ଏଏସଆଇ ବି. ସ୍ୱାଇଁ, ହାବିଲଦାର ବିକେ ପ୍ରତାପସିଂ, କନଷ୍ଟେବଳ ଏମଡି ଇମ୍ରାନ ବାଇଗ, ଏମ. ଆର ପ୍ରଧାନ, ଓଏପିଏଫ ବିଜୟ କଂହର, ବାମନ ସଉନ୍ତ, ପ୍ରମୁଖ ସାମିଲ ଥିଲା ବେଳେ ଆଜିର ସାମ୍ବାଦିକ ସମ୍ମିଳନୀ ରେ ଏସପି ବିବେକାନନ୍ଦ ଶର୍ମା ଙ୍କ ସହିତ ଏସ୍ଡଡିପିଓ ନିହାର ରଞ୍ଜନ ପ୍ରଧାନ, ଶିଳ୍ପାଞ୍ଚଳ ଥାନା ଅଧିକାରୀ ଉମେଶ କୁମାର ସାହୁ ପ୍ରମୁଖ ଉପସ୍ଥିତ ଥିଲେ l ଶିଳ୍ପାଞ୍ଚଳ ପୋଲିସ ପକ୍ଷରୁ କେଶ ନମ୍ବର -74 ତା -19/3/2026 ଅନୁଯାୟୀ ଏକ ମାମଲା ରୁଜୁ କରାଯାଇ ଅଭିଯୁକ୍ତ ଙ୍କୁ କୋର୍ଟ ଚାଲାଣ କରାଯାଇଛି l