Odisha Janamata : କବିସୂର୍ଯ୍ୟ ନଗର ର ପୂର୍ବତନ ବିଧୟିକା ଙ୍କ ସ୍ମୃତିରେ ରକ୍ତଦାନ ଶିବିର ଅନୁଷ୍ଠିତ |

କବିସୂର୍ଯ୍ୟ ନଗର ର ପୂର୍ବତନ ବିଧୟିକା ଙ୍କ ସ୍ମୃତିରେ ରକ୍ତଦାନ ଶିବିର ଅନୁଷ୍ଠିତ |

06-Aug-2026

କବିସୂର୍ଯ୍ୟନଗର ପୂର୍ବତନ ବିଧାୟିକା ସ୍ବର୍ଗତ ଭି ସୁଜ୍ଞାନ କୁମାରୀ ଦେଓଙ୍କ ସ୍ମୃତିରେ ରକ୍ତଦାନ ଶିବିର, 81 ୟୁନିଟ ରକ୍ତ ସଂଗ୍ରହ l

ଓଡିଶା ଜନମତ, ବେଗୁନିଆପଡା : 05/08/26 :

ଭଞ୍ଜ କିଶୋର ମହାରଣା

ଗଞ୍ଜାମ ଜିଲ୍ଲା ବେଗୁନିଆପଡା ବ୍ଲକ ଅନ୍ତର୍ଗତ ନୁଆଁ ଡେରା ସାହି ସ୍ଥିତ ମର୍ଦରାଜ କଲ୍ୟାଣ ମଣ୍ଡପ ଠାରେ ଏକ ମେଗା ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି l କବିସୂର୍ଯ୍ୟନଗର ପୂର୍ବତନ ବିଧାୟିକା ତଥା ଖଲ୍ଲିକୋଟ ମର୍ଦରାଜ ପରିବାରର କୁଳବଧୂ ରାଣୀ ସlହେବା ସ୍ବର୍ଗତଃ ଭି ସୁଜ୍ଞାନଙ୍କ ସ୍ମୃତିରେ ବହୁ ସମର୍ଥକ ଓ ସ୍ବେଚ୍ଛାସେବୀ ଉପସ୍ଥିତ ରହି ରକ୍ତଦାନ କରିଥିଲେ। ଭି ସୁଜ୍ଞାନ ଦେଓ ସ୍ମୃତି ପରିଷଦ ପକ୍ଷରୁ ପ୍ରତିବର୍ଷ ପରି ଚଳିତ ବର୍ଷ ମଧ୍ୟ ସ୍ବର୍ଗତଃ ରାଣୀ ସାହେବାଙ୍କ ଜନ୍ମ ଦିବସରେ ରକ୍ତଦାନ ଶିବିର ଅନୁଷ୍ଠିତ ହୋଇଥିବା ବେଳେ ବେଗୁନିଆପଡ଼ା ବ୍ଲକ ଅଧ୍ଯକ୍ଷା ରେଣୁ ଗୌଡ଼ ଏହି ଶିବିରକୁ ଉଦଘାଟନ କରିଥିଲେ । ଆବାହକ ତ୍ରିନାଥ ଭୂୟାଁଙ୍କ ତତ୍ବାବଧାନରେ ଅନୁଷ୍ଠିତ ରକ୍ତଦାନ ଶିବିରରେ ସମାଜସେବୀ ପ୍ରମୋଦ କୁମାର ପଣ୍ଡା,ସାକେତ ରାମାରାଓ,ଅଧ୍ଯକ୍ଷ ପ୍ରତିନିଧି ଦୁର୍ଯ୍ୟୋଧନ ଗୌଡ଼, ବେଗୁନିଆପଡ଼ା ବିଡ଼ିଓ ସୁନୀଲ ସାମନ୍ତ, ବରିଷ୍ଠ ଆଇନୀଜୀବୀ ରାଜେନ୍ଦ୍ର ପ୍ରସାଦ ରଥ,ସାହିତ୍ୟିକ ମହେଶ୍ୱର ବରାଡ଼, କବିସୂର୍ଯ୍ୟନଗର ବିଜେଡି ସଭାପତି ଭଗବାନ ସ୍ୱାଇଁ, ସୁରଥ ପ୍ରଧାନ,ନୀଳାଞ୍ଚଳ ପଲେଇ,ପୂର୍ବତନ ବିଜେଡି ବ୍ଲକ ସଭାପତି ସିମାଞ୍ଚଳ ସାମଲ , ଆସିକା ସମବାୟ ନିର୍ଦ୍ଦେଶକ ହୃଷିକେଶ ମେହେଣା, ବିଜୟ ପ୍ରଧାନଙ୍କ ସମେତ ବହୁ ବ୍ୟକ୍ତି ଯୋଗ ଦେଇଥିଲେ। ଏଥିରେ ମୋଟ 81 ୟୁନିଟ ରକ୍ତ ସଂଗ୍ରହ ହୋଇଥିବା ବେଳେ ବ୍ରହ୍ମପୁର ବଡ଼ ମେଡିକାଲର ରକ୍ତ ଭଣ୍ଡାରରୁ ଆସିଥିବା କର୍ମଚାରୀ ମାନେ ରକ୍ତ ସଂଗ୍ରହ କରିଥିଲେ।