Odisha Janamata : ଉଲ୍ଲାସ ର ସୁଦୂର ପ୍ରସାର ପାଇଁ ଜିଲ୍ଲା ଶିକ୍ଷା ବିଭାଗ ପକ୍ଷରୁ ସାଧରଣ ବୈଠକ |

ଉଲ୍ଲାସ ର ସୁଦୂର ପ୍ରସାର ପାଇଁ ଜିଲ୍ଲା ଶିକ୍ଷା ବିଭାଗ ପକ୍ଷରୁ ସାଧରଣ ବୈଠକ |

09-Jun-2026

`ଉଲ୍ଲାସ`କୁ ସୁଦୂର ପ୍ରସାର ପାଇଁ ଜିଲ୍ଲା ଶିକ୍ଷା ବିଭାଗ, ଗୋଷ୍ଠୀ ଶିକ୍ଷା ବିଭାଗ ପକ୍ଷରୁ ସାଧାରଣ ବୈଠକ ଅନୁଷ୍ଠିତ,

ଓଡିଶା ଜନ ମତ ବ୍ୟୁରୋ ,

୭୦ ରୁ ଉର୍ଦ୍ଧ ବ୍ୟକ୍ତି ବିଶେଷଙ୍କୁ ସାକ୍ଷରତା କାର୍ଯ୍ୟକ୍ରମରେ ପଞ୍ଜିକୃତ

ସମଗ୍ର ଗଂଜାମ ଜିଲ୍ଲାରେ `ଉଲ୍ଲାସ` କାର୍ଯ୍ୟକ୍ରମକୁ ତୃଣମୂଳ ସ୍ତରରେ ପହଞ୍ଚାଇ ସାଧାରଣ ଲୋକଙ୍କୁ ସାକ୍ଷରତା ଅଭିଯାନରେ ସାମିଲ କରିବା ଲକ୍ଷ୍ୟ ଆଭିମୁଖ୍ୟ ନେଇ ଏକ ସୁଦୂର ପ୍ରସାରୀ କାର୍ଯ୍ୟକ୍ରମ ଜିଲ୍ଲା ଶିକ୍ଷା ବିଭାଗ, ଗୋଷ୍ଠୀ ଶିକ୍ଷା ବିଭାଗ ସମ୍ମିଳିତ ସହଯୋଗରେ ଅନୁଷ୍ଠିତ ହୋଇଯାଇଛି । ଜିଲ୍ଲା ଶିକ୍ଷା ଅଧିକାରୀଙ୍କ ନିର୍ଦ୍ଦେଶ କ୍ରମେ ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ପ୍ରଭାତୀ କୁମାରୀ ମହାପାତ୍ର, ଖଲ୍ଲିକୋଟ ଗୋଷ୍ଠୀ ଶିକ୍ଷା ଅଧିକାରୀ ସତ୍ୟନାରାୟଣ ଦାସ, ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ସୁଶାନ୍ତ କୁମାର ନାୟକ ପ୍ରମୁଖ ଖଲ୍ଲିକୋଟ ବ୍ଲକ ପଥରା କ୍ଲଷ୍ଟର ଅଧୀନସ୍ଥ ପଣ୍ଡିତ ଗାଁ, ରାମଚନ୍ଦ୍ର ପୁର, ଫାସିଡି ଗ୍ରାମରେ ସାଧାରଣ ସଭା ଆୟୋଜନ କରି ସ୍ୱେଚ୍ଛାସେବୀ ଶିକ୍ଷକ ଶିକ୍ଷୟିତ୍ରୀଙ୍କ ଉଦ୍ୟମ ସହଯୋଗ କ୍ରମେ ୭୦ ରୁ ଊର୍ଦ୍ଧ୍ବ ଲୋକଙ୍କୁ `ଉଲ୍ଲାସ` କାର୍ଯ୍ୟକ୍ରମରେ ନୂତନ ଭାବେ ପଞ୍ଜିକୃତ କରିଥିଲେ ‌। ଗାଁ ଗହଳିରେ ଥିବା ସାଧାରଣ ଲୋକଙ୍କୁ `ଉଲ୍ଲାସ`ରେ ସାମିଲ୍ କରି ନିତିଦିନିଆ ଆବଶ୍ୟକତା ପରିପୂରଣ କ୍ଷେତ୍ରରେ ଏଭଳି ସାକ୍ଷରତା ଅଭିଯାନ ଗୁରୁତ୍ବପୂର୍ଣ୍ଣ ଭୂମିକା ସମ୍ପର୍କରେ ଅଭିହିତ କରିଥିଲେ । ଉପସ୍ଥିତ ଶତାଧିକ ପୁରୁଷ ମହିଳାଙ୍କୁ ସଚେତନତା ସହିତ `ଉଲ୍ଲାସ` ପୁସ୍ତକ ବିତରଣ କରିଥିଲେ । ଅନୁଷ୍ଠିତ କାର୍ଯ୍ୟକ୍ରମରେ ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ପ୍ରଭାତୀ କୁମାରୀ ମହାପାତ୍ର, ଖଲ୍ଲିକୋଟ ଗୋଷ୍ଠୀ ଶିକ୍ଷା ଅଧିକାରୀ ସତ୍ୟନାରାୟଣ ଦାସ ପ୍ରମୁଖ ସରକାରଙ୍କ ଏପ୍ରକାର ଜନକଲ୍ୟାଣ ମୂଳକ ଯୋଜନାକୁ ବ୍ୟାପକ କରିବା, ସାକ୍ଷରତା ହାର ଅଭିବୃଦ୍ଧି କରିବା, ମୈ।ଳିକ ସାକ୍ଷରତା, ସଂଖ୍ୟା ଜ୍ଞାନ, ହିସାବ ନିକାଶ ସମ୍ପର୍କରେ ଜନସାଧାରଣଙ୍କୁ ବୁଝାଇ ସଚେତନ କରିଥିଲେ । ଅନୁଷ୍ଠିତ କାର୍ଯ୍ୟକ୍ରମରେ ପଥରା ସି ଆର ସି ସି ପ୍ରକାଶ ଚନ୍ଦ୍ର ସେଠୀଙ୍କ ସମେତ କ୍ଲଷ୍ଟରର ସମସ୍ତ ପ୍ରଧାନ ଶିକ୍ଷକ, ଶିକ୍ଷୟିତ୍ରୀ, ବହୁ ସ୍ୱେଚ୍ଛାସେବୀ ଶିକ୍ଷକ, ଶିକ୍ଷକ, ଶିକ୍ଷୟିତ୍ରୀ ଯୋଗଦାନ କରିଥିଲେ । ଖଲ୍ଲିକୋଟ ବ୍ଲକ ଅଧୀନସ୍ଥ ସମସ୍ତ କ୍ଲଷ୍ଟର ଅନ୍ତର୍ଗତ ବିଦ୍ୟାଳୟମାନଙ୍କରେ ଏପ୍ରକାର କାର୍ଯ୍ୟକ୍ରମକୁ ବ୍ୟାପକ କରିବା ଲାଗି ସୂଚାଇଥିଲେ ।

ରିପୋର୍ଟ-
ଡକ୍ଟର ଦ୍ୱାରିକାନାଥ ମହାରଣା
ଖଲ୍ଲିକୋଟ, ଗଂଜାମ