Odisha Janamata : ସତ୍ୟନାରାୟଣ ଦାସ ଖଲ୍ଲିକୋଟ ବିଇଓ ଭାବେ କାର୍ଯ୍ୟରେ ଯୋଗଦେଲେ ||

ସତ୍ୟନାରାୟଣ ଦାସ ଖଲ୍ଲିକୋଟ ବିଇଓ ଭାବେ କାର୍ଯ୍ୟରେ ଯୋଗଦେଲେ ||

02-Jun-2026

ଖଲ୍ଲିକୋଟ ବି.ଇ.ଓ. ଭାବେ ଯୋଗଦେଲେ ସତ୍ୟନାରାୟଣ ଦାସ

ଓଡିଶା ଜନ ମତ ବ୍ୟୁରୋ,

ଖଲ୍ଲିକୋଟ ଗୋଷ୍ଠୀ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟରେ ଶ୍ରୀଯୁକ୍ତ ସତ୍ୟନାରାୟଣ ଦାସ ଆଜି ନୂତନ ଗୋଷ୍ଠୀ ଶିକ୍ଷା ଅଧିକାରୀ ଭାବେ କାର୍ଯ୍ୟରେ ଯୋଗଦାନ କରିଅଛନ୍ତି । ଏହାପୂର୍ବରୁ ବେଗୁନିଆପଡା ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀଯୁକ୍ତ ରୁଦ୍ର ନାରାୟଣ ସାହୁ ଖଲ୍ଲିକୋଟର ଅତିରିକ୍ତ ଦାୟିତ୍ବ ବହନ କରି ବି.ଇ.ଓ. କାର୍ଯ୍ୟ ତୁଲାଇ ଆସୁଥିଲେ । ପ୍ରାକ୍ତନ ଗୋଷ୍ଠୀ ଶିକ୍ଷା ଅଧିକାରୀ ରୁଦ୍ର ନାରାୟଣ ସାହୁଙ୍କ ଠାରୁ ସେ କାର୍ଯ୍ୟଭାର ଗ୍ରହଣ କରିଛନ୍ତି । ଶ୍ରୀଯୁକ୍ତ ସାହୁଙ୍କ କାର୍ଯ୍ୟକୁ ନୂତନ ବି.ଇ.ଓ. ପ୍ରଶଂସା କରିଥିଲେ ।ସେ ପୂର୍ବରୁ ଗଂଜାମ ଜିଲ୍ଲା ଦିଗପହଣ୍ଡି ବ୍ଲକ ଅନ୍ତର୍ଗତ ବି. କେ. ଉଚ୍ଚ ବିଦ୍ୟାଳୟରେ ପ୍ରଧାନ ଶିକ୍ଷକ ରୂପେ କର୍ତ୍ତବ୍ୟ ସମ୍ପାଦନ କରିଆସୁଥିଲେ ।କାର୍ଯ୍ୟାଳୟର ସମସ୍ତ କର୍ମଚାରୀ, ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ, ବି. ଆର.ସି. ସି., ଷୋହଳ ଗୋଟି କ୍ଲଷ୍ଟରର ସି. ଆର. ସି. ସି.ଙ୍କ ଉପସ୍ଥିତିରେ ଶ୍ରୀଯୁକ୍ତ ଦାସ ନୂତନ ଦାୟିତ୍ବ ଗ୍ରହଣ କରିଛନ୍ତି । ଶିକ୍ଷକମାନଙ୍କ ସମସ୍ୟା, ଶିକ୍ଷା କ୍ଷେତ୍ରରେ ସୁଧାର ଆଣିବା ପାଇଁ ସମସ୍ତଙ୍କ ସହଯୋଗ କାମନା, ବିଭିନ୍ନ ସମୟରେ ହେଉଥିବା କାର୍ଯ୍ୟକ୍ରମର ସୁପରିଚାଳନା, ଉଲ୍ଲାସ କାର୍ଯ୍ୟକ୍ରମକୁ ବ୍ୟାପକ କରିବା, ବିଭିନ୍ନ ବିଦ୍ୟାଳୟରେ ଲାଗି ରହିଥିବା ସମସ୍ୟା ଅସୁବିଧାର ସୁସମାଧାନ ପାଇଁ ଉଦ୍ୟମ ଅବ୍ୟାହତ ରଖିବେ ବୋଲି ମତବ୍ୟକ୍ତ କରିଛନ୍ତି । ନୂତନ ବି.ଇ.ଓ.ଙ୍କ ଯୋଗଦାନକୁ ନେଇ ବିଭିନ୍ନ ମହଲରେ ଉତ୍ସାହ ଆନନ୍ଦ ପ୍ରକାଶ ପାଇଛି ।

ରିପୋର୍ଟ-
ଡକ୍ଟର ଦ୍ୱାରିକାନାଥ ମହାରଣା
ଖଲ୍ଲିକୋଟ, ଗଂଜାମ