Odisha Janamata : ଖଲ୍ଲିକୋଟ ପାଚିକା ଙ୍କ 4 ଦିନିଆ ପ୍ରଶକ୍ଷିଣ ତାଲିମ ଶିବିର ଅନୁଷ୍ଠିତ |

ଖଲ୍ଲିକୋଟ ପାଚିକା ଙ୍କ 4 ଦିନିଆ ପ୍ରଶକ୍ଷିଣ ତାଲିମ ଶିବିର ଅନୁଷ୍ଠିତ |

26-Dec-2024

ଖଲ୍ଲିକୋଟ: ପାଚିକା ସହାୟିକାଙ୍କ ପ୍ରଶିକ୍ଷଣ ସକାଶେ ଚାରିଦିନିଆ ତାଲିମ ଶିବିର ଆୟୋଜିତ,

ଓଡିଶା ଜନମତ ବ୍ୟୁରୋ,

ଖଲ୍ଲିକୋଟ ବ୍ଲକ୍ ଗୋଷ୍ଠୀ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟ ତରଫରୁ ସ୍ଥାନୀୟ କନକ ମଞ୍ଜରୀ ବାଳିକା ଉଚ୍ଚ ବିଦ୍ୟାଳୟ ଓ ଶ୍ରୀମର୍ଦ୍ଦରାଜ ଉଚ୍ଚ ବିଦ୍ୟାଳୟ ଠାରେ ଚାରି ଦିନିଆ ପାଚିକା ସହାୟିକାଙ୍କ ତାଲିମ ଶିବିର କାର୍ଯ୍ୟକ୍ରମକୁ ଆନୁଷ୍ଠାନିକ ରୀତିରେ ପ୍ରଦୀପ ପ୍ରଜ୍ଜ୍ୱଳନ କରି ଶୁଭୋଦ୍ଘାଟନ କରିଛନ୍ତି ସ୍ଥାନୀୟ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀଯୁକ୍ତ ସଦ୍ୟସ୍ମାନ ପଣ୍ଡା । ଆୟୋଜିତ ଶିବିର ଗତ ତା ୨୪/୧୨/୨୪ ରିଖରୁ ଆରମ୍ଭ ହୋଇଥିଲା ବେଳେ ତା ୨୬/୧୨, ତା ୨୭/୧୨ ଏବଂ ତା ୩୦/୧୨/୨୪ ରିଖରେ ଉଦଯାପିତ ହେବ ବୋଲି ବିଭାଗୀୟ ସୂତ୍ରରୁ ପ୍ରକାଶ ପାଇଛି । ଖଲ୍ଲିକୋଟ ବ୍ଲକର ଉଭୟ ପ୍ରାଥମିକ, ଉଚ୍ଚ ପ୍ରାଥମିକ ବିଦ୍ୟାଳୟରେ କାର୍ଯ୍ୟରତ ସମୁଦାୟ ୪୧୭ ଜଣେ ପାଚିକା ସହାୟିକାଙ୍କ ଦକ୍ଷତା ବିକାଶ ସକାଶେ ଉକ୍ତ ତାଲିମ ଶିବିର ଆୟୋଜିତ ହୋଇଆସୁଅଛି । ବିରିପୁର ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀଯୁକ୍ତ ପ୍ରମୋଦ କୁମାର ପଣ୍ଡା, ଆଭାସ କ୍ଲଷ୍ଟର ସି ଆର ସି ସି କୃଷ୍ଣଚନ୍ଦ୍ର ପରିଡ଼ା, କହ୍ନେଇପୁର କ୍ଲଷ୍ଟର ସି ଆର୍ ସି ସି ଲିପନ ପଣ୍ଡା, ଉସ୍ତାପଡା ସି ଆର୍ ସି ସି ରାଜେନ୍ଦ୍ର ପ୍ରସାଦ ପଣ୍ଡା,କନକା କ୍ଲଷ୍ଟର ସି ଆର୍ ସି ସି ଡକ୍ଟର ଦ୍ବାରିକାନାଥ ମହାରଣା, ତାଳପଡା କ୍ଲଷ୍ଟର ସି ଆର୍ ସି ସି ଅନାଥ ଚରଣ ବେହେରା, ଶ୍ରୀମତୀ ରୀନା ସାହୁ ପ୍ରମୁଖ ସମ୍ବଳ ଶିକ୍ଷକ ଭାବେ ଉପସ୍ଥିତ ରହି ସ୍ୱାସ୍ଥ୍ୟ ଓ ପରିଚ୍ଛନ୍ନତା, ବିଦ୍ୟାଳୟରେ ପୁଷ୍ଟିକର ମଧ୍ୟାହ୍ନ ଭୋଜନ ରୋଷେଇ, ସହଜ ଉପଲବ୍ଧ ଭିଟାମିନ ଯୁକ୍ତ ଫଳ, ପନିପରିବାର ବ୍ୟବହାର, ରୋଷେଇ ସମୟରେ ଟୋପି, ଆପ୍ରୋନ ପରିଧାନର ଆବଶ୍ୟକତା, ମଧ୍ୟାହ୍ନ ଭୋଜନ ଶୃଙ୍ଖଳିତ ପରିବେଷଣ, ବ୍ୟକ୍ତିଗତ ପରିଷ୍କାର ପରିଚ୍ଛନ୍ନତା ଆଦି ବହୁବିଧ ଦିଗ ସମ୍ପର୍କରେ ଉପସ୍ଥିତ ପାଚିକା ସହାୟିକାଙ୍କୁ ପ୍ରଶିକ୍ଷଣ ପ୍ରଦାନ କରୁଅଛନ୍ତି । ଏତଦବ୍ୟତୀତ ମାଷ୍ଟର ଟ୍ରେନର ଭାବେ ପଙ୍କଜା ଡାକୁଆ, ଗୀତା ରାଣୀ ଖୁଣ୍ଟିଆ ତାଲିମ ଶିବିରରେ ତାଲିମ ପ୍ରଦାନ କରୁଅଛନ୍ତି । ପି. ଏମ୍ . ପୋଷଣ ରାଜ୍ୟ ପରାମର୍ଶଦାତା ଶ୍ରୀଯୁକ୍ତ କାଳୁ ଚରଣ ବାରିକ ଯୋଗଦେଇ ମଧ୍ୟାହ୍ନ ଭୋଜନ କାର୍ଯ୍ୟକ୍ରମର ମୁଖ୍ୟ ଲକ୍ଷ୍ୟ ଆଭିମୁଖ୍ୟ ସମ୍ପର୍କରେ ସ୍ୱତନ୍ତ୍ର ବକ୍ତବ୍ୟ ପ୍ରଦାନ କରିଥିଲେ । ବ୍ଲକ୍ ପି.ଏମ. ପୋଷଣ ଦାୟିତ୍ଵରେ କାର୍ଯ୍ୟ ସମ୍ପାଦନ କର୍ମୀ ଶ୍ରୀମତୀ ପ୍ରତିମା ବେହେରା ବିଦ୍ୟାଳୟରେ ପଠନରତ ଛାତ୍ର ଛାତ୍ରୀଙ୍କୁ ମଧ୍ୟାହ୍ନ ଭୋଜନ ରୋଷେଇ କରି ପରିବେଷଣ କରୁଥିବା ପାଚିକା ସହାୟିକାଙ୍କ ଗୁରୁ ଦାୟିତ୍ବ ବିଷୟରେ ସ୍ୱତନ୍ତ୍ର ବକ୍ତବ୍ୟ ରଖିଥିଲେ । ଆସନ୍ତା ତା ୩୦/୧୨/୨୪ ରିଖ ପର୍ଯ୍ୟନ୍ତ ଚାଲିବାକୁ ଥିବା ତାଲିମ ଶିବିରର ସୁପରିଚାଳନା ଦାୟିତ୍ଵରେ ବି ଆର୍ ସି ସି ସୁଷମା ଶବର, ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ରବିନାରାୟଣ ସେଠୀ, ସୁଶାନ୍ତ କୁମାର ନାୟକଙ୍କ ସମେତ ଗୋଷ୍ଠୀ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟର ସମସ୍ତ କର୍ମଚାରୀ ଶିବିର ପରିଚାଳନା ନିମନ୍ତେ ପୂର୍ଣ୍ଣ ସହଯୋଗ କରିଆସୁଛନ୍ତି । ଉଦଯାପନୀ ଦିବସରେ ପାଚିକା ସହାୟିକାଙ୍କ ମଧ୍ୟରେ ଉନ୍ନତ ମାନର ଶସ୍ୟରେ ତିଆରି ଖାଦ୍ୟ ପ୍ରସ୍ତୁତିକୁ ନେଇ ଏକ ପ୍ରତିଯୋଗିତା ଅନୁଷ୍ଠିତ ହୋଇ ମନୋନୀତ ଖାଦ୍ୟ ପ୍ରସ୍ତୁତକାରୀ ପାଚିକା ସହାୟିକାଙ୍କୁ ପୁରସ୍କୃତ କରାଯିବାର ବ୍ୟବସ୍ଥା ରହିଛି ।