Odisha Janamata : ଶୁଣିଲା ନାହିଁ ପ୍ରଶାସନ ନିଜ ଅର୍ଥରେ କେନାଲ ମରାମତି କଲେ ତିନି ଗ୍ରାମବାସୀ |

ଶୁଣିଲା ନାହିଁ ପ୍ରଶାସନ ନିଜ ଅର୍ଥରେ କେନାଲ ମରାମତି କଲେ ତିନି ଗ୍ରାମବାସୀ |

20-May-2026

ଶୁଣିଲା ନାହିଁ ପ୍ରଶାସନ, ନିଜ ଅର୍ଥରେ କେନାଲ ମରାମତି କଲେ ୩ ଗ୍ରାମବାସୀ
ଓଡିଶା ଜନମତ ରାୟଗଡା,୨୦/୦୪,

କାମେଶ୍ୱର କରକରିଆ :-----

ପ୍ରଶାସନର ଅବହେଳା ପରେ ଚାଷୀମାନେ ନିଜେ ଆଗକୁ ଆସି କେନାଲ ମରାମତି କାମ ଆରମ୍ଭ କରିଥିବା ଘଟଣା ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକରେ ଚର୍ଚ୍ଚାର ବିଷୟ ହୋଇଛି। ମାଝୀଗୁଡା ପଞ୍ଚାୟତ ଅନ୍ତର୍ଗତ ନିମାଝୋଲା ଗାଁ ପାର୍ଶ୍ଵରେ ତିନୋଟି ଗାଁର ଚାଷୀ ଓ ଗ୍ରାମବାସୀ ମିଶି ନିଜସ୍ୱ ଅର୍ଥ ସଂଗ୍ରହ କରି କେନାଲ ସଫା ଓ ମରାମତି କାମ କରୁଛନ୍ତି। ହାତରେ କୋଦାଳ ଓ ମୁଣ୍ଡରେ ଠେକି ଧରି ପିଲାରୁ ବୁଢ଼ା ପର୍ଯ୍ୟନ୍ତ ସମସ୍ତେ ଶ୍ରମଦାନ କରୁଥିବା ଦୃଶ୍ୟ ଗାଁରେ ଦେଖିବାକୁ ମିଳିଛି। କେହି ମାଟି କାଢ଼ୁଛନ୍ତି ତ କେହି ପଥର ହଟାଉଛନ୍ତି ଓ ଅନେକ ସିମେଣ୍ଟ ବାଲି ମିସେଇ କାର୍ଯ୍ୟ କରୁଥିବା ଦେଖିବାକୁ ମିଳିଛି । ଦୀର୍ଘଦିନ ଧରି ପ୍ରଶାସନକୁ ଗୁହାରି କରି ନିରାଶ ହେବା ପରେ ଶେଷରେ ଗ୍ରାମବାସୀ ନିଜେ କାମ ହାତକୁ ନେଇଥିବା କହିଛନ୍ତି। କୁରାଡ଼ି, ବାଲିପଦର ଓ ନିମାଝୋଲା ଗାଁର ଚାଷୀମାନେ ବୈଠକ କରି ପ୍ରତି ରୋହିତ ୧ହଜାର ଟଙ୍କା ଆଦାୟ କରିଥିଲେ। ସେହି ଅର୍ଥରେ ସିମେଣ୍ଟ, ବାଲି ଓ ଚିପ୍ସ କିଣାଯାଇଥିବା ବେଳେ ଗ୍ରାମର ଲୋକେ ନିଜେ ଶ୍ରମଦାନ କରି କେନାଲ ମରାମତି କାମ କରୁଛନ୍ତି। ଗ୍ରାମବାସୀଙ୍କ କହିବା ଅନୁଯାୟୀ, ଏହି କେନାଲ ଉପରେ ପ୍ରାୟ ୯ଶହ ଏକରରୁ ଅଧିକ ଚାଷ ଜମି ନିର୍ଭର କରୁଛି। ଗ୍ରୀଷ୍ମ ସମୟରେ ମରାମତି ନ ହେଲେ ଆଗାମୀ ଚାଷ ଋତୁରେ ଜମିକୁ ପାଣି ମାଡ଼ିବ ନାହିଁ ଓ ଚାଷ କାର୍ଯ୍ୟ ପ୍ରଭାବିତ ହେବ ବୋଲି ସିଙ୍ଗନା କୋଣ୍ଡାଗରୀ,କୁମଟି, ଆପରାଓ, ବିଜୟ, ରଘୁନାଥ, ଗଙ୍ଗାଧର, ବଣ୍ଡା, ଦନୁ, ଜଣ୍ଡୁ କଣ୍ଡାଗାରୀ ବାଲିପଦର, ଦାସ କାଡ୍ରାକା କୁରାଢ଼ୀ, ଆନ୍ତରାଉ କାଡ୍ରାକା, ଲାଚନା ଉରଲାକା କୁରାଢ଼ୀ ଆଇନା ହିକକା କହିଛନ୍ତି।
ଗ୍ରାମବାସୀଙ୍କ ଅଭିଯୋଗ ଅନୁଯାୟୀ, କେନାଲ ମରାମତି ପାଇଁ ବାରମ୍ବାର ପ୍ରଶାସନ ଓ ଆଇଟିଡିଏ ଅଧିକାରୀଙ୍କୁ ଦାବି ଜଣାଇଥିଲେ ମଧ୍ୟ କୌଣସି ସ୍ଥାୟୀ ପଦକ୍ଷେପ ନିଆଯାଇନଥିଲା। ଫଳରେ ଚାଷୀମାନେ ବାଧ୍ୟ ହୋଇ ନିଜ ଅର୍ଥ ଓ ଶ୍ରମଦାନରେ କେନାଲ ମରାମତି କାମ କରୁଥିବା ଦେଖିବାକୁ ମିଳିଛି। ଏ ନେଇ ବିଭାଗୀୟ କନିଷ୍ଠ ଯନ୍ତ୍ରୀ ଆଶୋକ କୁମାର ସେଠୀ ଙ୍କୁ ଜାଗାଯୋଗ କରିବାରୁ ସେ କହିଛନ୍ତି ମୁଁ ଉକ୍ତ ସ୍ଥାନକୁ ଯାଇ ତଦନ୍ତ କରି ସମସ୍ୟା ର ସମାଧାନ କରିବି ବୋଲି କହିଛନ୍ତି।